Rásmiy múnásibet

Sociallıq tarmaqlar arqalı Tórtkúl rayonı 30-sanlı ulıwma orta bilim beriw mektebi taza oqıw jılına tayar emesligi haqqında videokórinis járiyalandı.

Járiyalanǵan videokórinis boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen úyreniw jumısları alıp barıldı.

Úyreniw dawamında Tórtkúl rayonı 30-sanlı mektep klasslarınıń ishki qurılıs ońlaw jumısları alıp barılmaǵanlıǵı anıqlandı.

Ministrlikten barǵan isshi topar jaǵdaydı óz qadaǵalawına alıp, mektep klass xanalarınıń qurılıs ońlaw jumısları tolıǵı menen orınlanǵanlıǵn hám taza oqıw jılına tayar ekenligin málim etip bildiremiz.

Ministrliktiń Málimleme xızmeti