✅ Elimizdegi barlıq mekteplerde dástúriy 25-may – “Sońǵı qońıraw” ilajı jaqınlaspaqta. Bul áhmiyetli sáne oqıwshılar turmısında umıtılmas, quwanıshqa tolı bay máwritler menen este qalıwı kerek.

Usı múnásibet penen, ilajlardı tártipli, qáwipsiz hám artıqsha dábdebe jáne nızamsız pul jıyımlarısız ótkeriw zárúr ekenligin ayrıqsha atap ótemiz. ️

❌ Tómendegi jaǵdaylarǵa qatań jol qoyılmaydı:
– túrli sıltawlar menen pul jiynaw;
– avtomashinalarda ǵalabalıq seyiller shólkemlestiriw;
– artıqsha saltanatlı ilaj hám jıynalıslar ótkeriw;
– sawǵa-sálem ushın májbúriy qarjı jıynaw;
– dasturxan bezew yamasa basqa shólkemlestiriw jumısları ushın pul jıynaw;
– muģallim yaki mektep administraciyası atınan qarjı talap etiw;
– hár qanday májbúriy tólemlerdi engiziw.

✅ “Sońǵı qońıraw” – bul bárinen burın ruwxıy qádiriyatlar, minnetdarshılıq hám jaqsılıq bayramı. Onı artıqsha qárejetlersiz, ápiwayı hám mazmunlı tárizde ótkeriw – bárshemizdiń ulıwma juwapkershiligimiz bolıp esaplanadı.

📢 Húrmetli ata-analar!

👍 Perzentlerińizdiń qáwipsizligi hám nızamlı is-háreketleri ushın siz de juwapkersiz. Nızambuzıwshılıq jaǵdayları anıqlanǵan jaǵdayda, juwapker shaxslarǵa Ózbekstan Respublikası Hákimshilik juwapkershilik haqqındaǵı kodekstiń 47-statyası 1-bólimi tiykarında sharalar kóriliwin esletip ótemiz.

☝️ ️Eger siz nızamsız pul jıynaw yamasa basqa da unamsız jaǵdaylarǵa dus kelseńiz: 🌐 Telegram arqalı: https://t.me/bilimlendiriw_Korrupciya_bot hám @QRMSHMBMbot 📲 Isenim telefonı: (61) 222-94-45 múrájat etiwińiz múmkin.

✅ Múrájat etken shaxslardıń shaxsı sır saqlanıwı kepillenedi.

AYAPOV AMANJOL TLEPOVICH
Qaraqalpaqstan Respublikası Mektepke shekemgi hám mektep bilimlendiriw ministri