Ǵárezsizligimizdiń 35 jıllıq bayramı aldınan Taqıyatas rayonında jáne bir quwanıshlı waqıya – jańa bilimlendiriw dárgayı óz esiklerin ashtı.
Aydın jol MPJ aymaǵındaǵı 23-sanlı ulıwma orta bilim beriw mektebi paydalanıwǵa tapsırıldı.
Mektep Ózbekstan Respublikası Prezidentiniń PQ-5246-sanlı qararı tiykarında 176 orınǵa mólsherlengen bolıp, onıń qurılıs-ońlaw jumıslarına 8 mlrd 496 mln sum qarjı ajratıldı.
Zamanagóy sharayatlarǵa iye jańa mektep endi aymaqtaǵı oqıwshılar ushın sapalı bilim alıw hám óz qábiletlerin kórsetiw imkaniyatların jáne de keńeytedi.
