Rásmiy múnásibet
Sociallıq tarmaqlarda Nókis rayonı 9-sanlı ulıwma orta bilim beriw mektebi muǵalliminiń sabaq saatların bólistiriw processinen narazılıǵı boyınsha múrájat tarqalǵan.
Bul múrájatta kóterilgen máseleler Qaraqalpaqstan Respublikası Mektepke shekemgi hám mektep bilimlendiriwi ministrligi tárepinen “Fizikalıq hám yuridikalıq táreplerdiń múrájatları haqqında”ǵı Nızam talaplarına muwapıq belgilengen tártipte úyrenildi.
Úyreniw dawamında Nókis rayonı 9-sanlı ulıwma orta bilim beriw mektebinde tárbiya páni oqıw saatları Ózbekstan Respublikası Ádillik ministrliginen 2025-jıl 28-oktyabr kúni 3271-1-sanı menen dizimnen ótken qararǵa muwapıq durıs bólistirilgenligi anıqlandı.
Sonday-aq, ulıwma orta bilim beriw mekteplerinde 5-11-klasslarda tárbiya páni oqıw saatları Ózbekstan Respublikası Bas ministriniń 2024-jıl 16-apreldegi30/1-1782-sanlı tapsırması tiykarında “Tariyx”,“Milliy ǵárezsizlik ideyası hám huqıq” qánigeligine iye muǵallimler ótiwge ruxsat berilgen.
Úyreniw dawamında mektep direktorı R.D ǵa múrájatta bildirilgen wájler óz tastıyıǵın tappaǵanlıǵın hám de mekteptegi jámiyetlik pánler baǵdarı muǵallimleriniń sabaq saatların bólistiriw boyınsha Nókis rayonı Mektepke shekemgi hám mektep bilimlendiriwi bólimine jollaǵan múrájattına tiykar bóliminiń 2026-jıl 4-sentyabrdaǵı 151-sanlı buyrıǵına muwapıq tiyisli qánigeler tárepinen múrájattı úyreniw jumısları alıp barǵanlıǵın málim etip bildiremiz.
QR Mektepke shekemgi hám mektep bilimlendiriwi ministrliginiń Málimleme xızmeti
