Húkimet qararına bola, 2024-jıl 1-yanvardan baslap A.Avloniy atındaǵı pedagoglardı kásiplik rawajlandırıw hám jańa metodikalarǵa úyretiw milliy-izertlew institutında mektep direktorı lawazımına talabanlardı menedjerlik oqıw kurslarında oqıtıw, sonday-aq, arnawlı portal arqalı olarǵa menedjerlik sertifikatın elektron beriw sisteması engiziledi (https://t.me/huquqiyaxborot/15105).

Ustavqa muwapıq, mekteplerde jumıs islep atırǵan direktorlar hár 5 jılda bir ret menedjerlik sertifikatın alıwı talap etiledi.

Oqıw kurslarınıń dawam etiw waqtı 144 saattı quraydı hám talabanlar 1 ay dawamında oqıtıladı.

2024-jıl 1-sentyabrden baslap menedjerlik sertifikatına iye tómendegi basshı xızmetkerlerge bul sertifikattıń ámel etiw múddeti dawamında lawazım is haqısına hár aylıq qosımsha ústemeler tólenedi:

-mektep direktorlarına – 50 procent;

-mektep direktorı orınbasarlarına – 30 procent.