“Bala, oyın hám pedagog” joybarı: mektepke shekemgi bilimlendiriwde jańasha qatnaslar

Nókis qalası 53-sanlı mektepke shekemgi bilimlendiriw shólkeminde “Bala, oyın hám pedagog” atamasında seminar shólkemlestirildi.

Seminar Ózbekstan Respublikası Prezidentiniń mektepke shekemgi bilimlendiriw hám tárbiya sistemasın bunnan bılay da jetilistiriwge qaratılǵan PP-19-sanlı Pármanında belgilengen wazıypalar hám Ózbekstan Respublikası Mektepke shekemgi hám mektep bilimlendiriw ministrliginiń 2026-jıl 4-iyundegi arnawlı buyrıqtıń orınlanıwın támiyinlew maqsetinde ótkerildi.

Ilajda rayonlardan jámi 43 mektepke shekemgi bilimlendiriw shólkeminiń direktorı qatnastı.

Seminar dawamında “Bala, oyın hám pedagog” joybarın basqıshpa-basqısh engiziw, tálim-tárbiya processinde oyınnıń áhmiyetin arttırıw hám balalardıń qızıǵıwshılıqları menen talaplarına tiykarlanǵan qatnaslardı ámeliyatqa engiziw máselelerine itibar qaratıldı.