Ózbekstan Respublikası Ministrler Kabinetiniń 2024-jıl 14-fevral kúngi «Mektepke shekemgi hám ulıwma orta bilim beriw mákemelerin attestaciyadan ótkeriw hám bilimlendiriw sıpatı monitoringin ámelge asırıw sistemasın jetilistiriw is-ilájları haqqında»ǵı 91-sanlı qararına tiykarlanıp, 2024-jılı rejedegi mektepke shekemgi bilimlendiriw mákemelerinde ishki hám sırtqı bahalaw processlerin sıpatlı shólkemlestiriw sonday-aq, metodikalıq járdem kórsetiw maqsetinde Qaraqalpaqstan Respublikası Pedagogikalıq sheberlik orayında seminar shólkemlestirildi.Seminarda 2024-jılı mámleketlik akkreditaciyadan ótkeriliwi belgilengen 100 mámleketlik mektepke shekemgi bilimlendiriw shólkemleri komissiya aǵzaları baslıqları qatnastı. Seminardı Qaraqalpaqstan Respublikası Mektepke shekemgi hám mektep bilimlendiriw ministrliginiń Bilimlendiriw mákemelerin akkreditaciyalawdı shólkemlestiriw boyınsha metodist S.Turǵanbaeva hám Beruniy rayonı Mektepke shekemgi hám mektep bilimlendiriw bólimi  qánigesi S.Adjibaev  xam metodist S.Tasimovlar alıp bardı.