Ózbekstan Respublikası Mektepke shekemgi hám mektep bilimlendiriw ministrliginiń «Mámleketlik mektepke shekemgi bilimlendiriw shólkemleri hám mektepke shekemgi bilimlendiriwdiń basqa alternativ túrleri oqıw–metodikalıq qurallar, didaktikalıq qollanbalar, kórgizbeli materiallar hám oyınshıqlar menen támiyinlew haqqında»ǵı arnawlı buyrıǵı tiykarında Nókis qalası mektepke shekemgi hám mektep bilimlendiriw bólimine qaraslı 53-sanlı mektepke shekemgi bilimlendiriw shólkeminde  seminar shólkemlestirildi. Seminarǵa Nókis qalasındaǵı barlıq mektepke shekemgi bilimlendiriw shólkemleri metodistleri qatnastı. Ilaj qatnasıwshılarına, jetkerilip berilgen 49-atamadaǵı didaktikalıq materiallar haqqında tolıq túsinik berildi. Mektepke shekemgi bilimlendiriw shólkemlerinde didaktikalıq materiallar balalar jasına say toparlarǵa bólistirilmekte. Sonday-aq, ilaj pikir almasıwlar hám soraw-juwaplar  menen juwmaqlandı.