Ózbekstan Respublikası Prezidentiniń 2024-jıl 19-20-avgust kúnleri Qaraqalpaqstan Respublikasına saparı dawamında berilgen tapsırmalar boyınsha «Qaraqalpaqstan Respublikasın sociallıq-ekonomikalıq rawajlandırıw boyınsha qosımsha imkaniyatlardı iske qosıw hám əmelge asırılıwı kerek bolǵan tiykarǵı wazıypalar haqqında»ǵı 36-sanlı bayanlaması qabıl etilgen. Usı bayanlamanıń 36-bəntinde Jaslardı IT həm ingilis tiline oqıtıw menen birgelikte olarǵa IT joybar menedjerligi həm startaplardı rawajlandırıw tiykarlarına oqıtıw jumısların shólkemlestiriw wazıypası belgilengen. «Muhammed Al-Xorezmiy izbasarları» orayları eki basqıshta shólkemlestiriw rejelestirrilmekte.
Birinshi basqıshta Nókis qalası, Ámiwdárya, Moynaq, Qońırat, Qaraózek, Kegeyli, Xojeli hám Ellikqala rayonlarında, al ekinshi basqısh qalǵan rayonlarda shólkemlestiriw názerde tutılmaqta. «Muhammad al-Xorezmiy izbasarları» joybarında oqıwlar aymaqtaǵı IT-kompaniyalar menen birgelikte, miynet bazarınıń talapların esapqa alǵan halda oqıwshılarda ámeliy kónlikpelerdi rawajlandırıwǵa ayrıqsha itibar qaratıladı. Atap aytqanda, programmalastırıw bilimleri menen birge, oqıwshılarda joybarlardı ámelge asırıw, jámáátte islew hám ideyalardı usınıw, dóretiwshilik pikirlew sıyaqlı jeke rawajlanıw kónlikpelerin qáliplestiriwge dıqqat qaratıladı. Pitkeriwshiler málimleme texnologiyaları hám shet tilleri boyınsha xalıqaralıq sertifikat alıw dárejesinde tayarlanadı hám xalıqaralıq IT-bazarǵa baǵdarlanadı. «Muhammed Al-Xorezmiy izbasarları» – 7-10-klass oqıwshıları ushın biypul shólkemlestirilip, xalıqaralıq IT bazarına tayar qánige etip shıǵarıwǵa maqset etilgen kadrlar tayarlawdıń baǵdarlaması bolıp tabıladı.
