Qaraózek  rayonlıq mektepke shekemgi hám mektep bilimlendiriw bólimine qaraslı 33-sanlı ulıwma orta bilim beriw mektebinde “Kásiplik tálimdi rawajlandırıw kúnin  shólkemlestiriw hám ótkeriw” atamasında Respublikalıq seminar shólkemlestirildi.

Bunda tiykarǵı maqset Ózbekstan Respublikası Prezidentiniń 2024-jıl 2-fevraldaǵı “Ulıwma orta bilim beriw mákemelerinde oqıwshılardı shet tili hám zamanagóy kásiplerge oqıtıw boyınsha qosımsha is-ilajlar haqqında”ǵı PQ-53-sanlı qararına muwapıq 2024-2025-oqıw jılınan baslap kásip-ónerge oqıtıwdıń jańa sisteması engiziledi. Sonday-aq, tájiriybe-sınaw sıpatında respublikamızdaǵı jámi 17 ulıwma orta bilim beriw mekteplerinde oqıwshılardı kásip-ónerge úyretiw boyınsha kásiplik tálim ustası shtatı engizildi. Usı mekteplerdegi jańadan engizilgen kásiplik tálim ustası shtatına jumısqa alınǵan ustalardı kásiplik rawajlandırıp barıwdan ibarat.

Seminar dawamında keleshekte mektep pitkeriwshilerdiń bántligin támiyinlew hámde birge islesiwdi jolǵa qoyıw maqsetinde Qaraózek tekstil kárxanasına press-tur shólkemlestirildi.