Búgin Qaraqalpaqstan Respublikası Mektepke shekemgi hám mektep bilimlendiriw ministrliginde mektepke shekemgi bilimlendiriw shólkemleriniń pedagog xızmetkerleri ushın qánigelik arttırıwdıń “Metodikalıq sheberlik kúni” hám “Metodikalıq sheberlik saatı” ilajların shólkemlestiriw boyınsha májilis bolıp ótti.

Onda Ózbekstan Respublikası Mektepke shekemgi hám mektep bilimlendiriw ministrliginen biriktirilgen juwapkerler T.Kalmuratov hám A.Shavkatov, Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı M.Shlimbetova, Qaraqalpaqstan Respublikası Pedagogikalıq sheberlik orayınıń direktorı V.Bekmuratova, ministrliktiń Pedagogikalıq xızmetkerlerdiń potencialın arttırıwdı muwapıqlastırıw sektorı, Mektepke shekemgi bilimlendiriw shólkemlerin muwapıqlastırıw bóliminiń qánigeleri, 2 master-trener, 25 trener (mentor)lar hám basqa da tiyisli juwapkerler qatnastı.

Ilajdı ótkeriwdegi tiykarǵı maqseti:

– master-trenerler toparın qáliplestiriw;
– oqıw baǵdarlamaların islep shıǵıw hám jetilistiriw;
– master-trenerlerdi tayarlaw ushın arnawlı treningler shólkemlestiriw;
– oqıw materialların aymaqlıq jumısshı toparlarǵa jetkeriw;
– ilajlardıń shólkemlestiriliwin qadaǵalaw hám muwapıqlastırıw;
– Ilajlardıń shólkemlestiriliwin úyreniw hám mashqalalardı saplastırıw;
– shólkemlestirilgen ilajlar boyınsha dáwirlik esabatlardı tayarlaw ibarat.

Ilaj dawamında “Metodikalıq sheberlik kúni” hám “Metodikalıq sheberlik saatı” ilajların sapalı shólkemlestiriw boyınsha tiykarǵı wazıypalar belgilep alındı.