Ózbekstan Respublikası Ministrler Kabinetiniń 2024-jıl 27-dekabrdegi «Siz ekologiyaǵa tiyisli nızamlardı bilesiz be?» respublikalıq kórik-tańlawın shólkemlestiriw hám ótkeriw haqqında»ǵı 54-sanlı májilis bayanlamasına tiykarlanıp respublikamızdıń barlıq ulıwma orta bilim beriw mektepleriniń joqarı klass hám kásip-óner mektepleri oqıwshıları arasında «Siz ekologiyaǵa tiyisli nızamlardı bilesiz be?» respublikalıq kórik-tańlawınıń Qaraqalpaqstan Respublikası basqıshı ótkerildi.

✔️ Tańlawdıń rayonlıq basqıshında sektor basqıshlarında jeńimpazlıqtı qolǵa kirgizgen ulıwma orta bilim beriw mektepleriniń komandaları 4 shárt boyınsha óz-ara bellesti.
Tańlaw juwmaǵında:

🥇-orın Nókis qalası 33-mektep;
🥈-orın Taxtakópir rayonı 3-mektep;
🥉-orın Shomanay rayonı 15-mektep komandası iyeledi.

✅ Jeńimpazlıqtı qolǵa kirgizgen Nókis qalası 33-sanlı ulıwma orta bilim beriw mektebiniń komandası juwmaqlawshı Ózbekstan Respublika basqıshına jollamanı qolǵa kirgizdi.

Nurgeldiyeva Aygúl
Qaraqalpaq mámleketlik universitetiniń 2 -kurs studenti