«Áhmiyetli 90 kún» joybarı sheńberinde ««Aǵla mektep-2025» joybarınıń birinshi yarım jıllıq juwmaqları boyınsha mekteptiń nátiyjesi» atamasında respublikalıq ámeliy-metodikalıq seminar Qanlıkól rayonı 2-sanlı ulıwma bilim beriw mektebinde ótkerildi.

✔️ Ilajǵa Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, ministrdiń birinshi orınbasarı A.Dauletbaev, Respublikamız boylap «Aǵla mektep» joybarınıń III toparındaǵı Moynaq, Qońırat, Shomanay, Xojeli, Taqıyatas rayonlarındaǵı 51 mekteptiń hám de Qanlıkól rayonındaǵı barlıq mekteplerdiń direktorları qatnastı.

➡️ Seminar dawamında rayonlıq mektepke shekemgi hám mektep bilimlendiriw bólimi baslıǵı tárepinen aymaqta bilimlendiriw sapasın arttırıwǵa qaratılǵan jumıslar barısı, unamlı nátiyjeler, jetiskenlikler hám de keleshek rejeleri, al, Qanlıkól rayonı 2-sanlı mekteptiń basshıları hám jámááti tárepinen «Aǵla mektep 2025» joybarınıń birinshi yarım jıllıq juwmaqları menen unamlı nátiyjelerge eriskenligi, ministrliktiń juwaplı xızmetkerleri tárepinen bolsa, jańa bahalaw tártibiniń áhmiyeti, mazmun-mánisi, 2024-2025-oqıw jılı juwmaqları menen bilim sapası sırtqı onlayn monitoring nátiyjeleri haqqında analizlengen maǵlıwmatlar (prezentaciya) seminar qatnasıwshılarına jetkerilip berildi.

✅ Ministrliktiń reje-grafigi tiykarında belgilengen orınlarda toparlarǵa bólgen halında barlıq mektep direktorlarınıń qatnasında 2025-jıl 12-avgust sánesine shekem dawam etiwi belgilengen.