Britaniya Menedjment universiteti hám Qaraqalpaqstan Respublikası MMT ministrligi birge islesiwi sheńberinde ushırasıwlar shólkemlestirildi

Tashkent qalasındaǵı Britaniya menedjment universiteti hám Qaraqalpaqstan Respublikası Mektepke shekemgi hám mektep bilimlendiriwi ministrligi arasında 2023-jıl 1-noyabrde qol qoyılǵan memorandum tiykarında BMU professor-oqıtıwshıları tárepinen qábiletli hám bilimli jaslardı xalıqaralıq joqarı oqıw orınlarına baǵdarlaw maqsetinde ushırasıwlar ótkerildi.

BMShnıń birge islesiw baylanısları bólimi baslıǵı Gullola Qoraboeva, AQShlı oqıtıwshı Henia Mathys hám qabıllaw bólimi xızmetkeri Nodirbek Fayzaxmatov, ministrliktiń shet tillerin ǵalaba en jaydırıw sektorı qánigesi Aynura Erejepova menen birgelikte eki kún dawamında Xojeli, Shımbay rayonları hám Nókis qalasında boldı.

Sapar sheńberinde 600 den aslam mektep pitkeriwshileri menen ushırasıw ótkerilip, universitettegi bilimlendiriw baǵdarlamaları, qabıllaw processleri, xalıqaralıq bilimlendiriw imkaniyatları hám studentler ushın jaratılǵan sharayatlar haqqında tolıq maǵlıwmat berildi.

Bul ushırasıwlar jaslardıń keleshek kásiplik tańlawına, xalıqaralıq bilimlendiriwge bolǵan qızıǵıwshılıǵın hám motivaciyasın arttırıwǵa xızmet etpekte.