Ulıwma orta bilim beriw mekteplerinde jumıs islep atırǵan kitapxana baslıqlarınıń kásiplik sheberligin rawajlandırıw, olardıń óz ústinde islewi ushın imkaniyat jaratıw, kitap oqıwǵa qızıǵıwshılıǵın arttırıw hám ele de jetilistiriw, óz-ara tájiriybe almasıw jumısların muwapıqlastırıw, xabar kommunikaciya texnologiyalarınan paydalanıw boyınsha kónlikpelerin rawajlandırıw, den-sawlıǵın bekkemlew hám de dóretiwshilik belsendiligin arttırıwdı maqsetinde ministrliktiń baslaması menen mektep kitapxana baslıqları arasında tańlawdıń rayon (qala)lıq basqıshı ótkerilgen edi.

Tańlawǵa rayon (qala)lıq basqıshında jeńimpaz bolǵan 15 ulıwma bilim beriw mektep kitapxana baslıqları Qaraqalpaqstan Respublikası basqıshında óz-ara bellesti.

Tańlaw juwmaǵına kóre:
🥇 -orın Moynaq rayoni 4-sanlı ulıwma bilim beriw mektebi kitapxana baslıǵı P. Karabekova;
🥈 -orın Qanlikól rayonı 22-sanlı ulıwma bilim beriw mektebi kitapxana baslıǵı D. Dauletbaeva ;
🥉-orın Taqıyatas rayonı 16-sanlı ulıwma bilim beriw mektebi kitapxana baslıǵı G. Beketovalar iyeledi.

Jeńimpazlar húrmet jarlıǵı hám estelik sawǵalar menen sıylıqlandı.