Ózbekstan Respublikası Prezidentiniń “Mektepten tısqarı bilimlendiriw sistemasın jańa basqıshqa alıp shıǵıw ilajları haqqında”ǵı 2025-jıl 8-sentyabrdegi PQ-277-sanlı qararı, Ózbekstan Respublikası Mektepke shekemgi hám mektep bilimlendiriw ministriniń 2025-jıl 30-sentyabr kúngi 368-sanlı buyrıǵınıń orınlanıwın támiyinlew maqsetinde Qaraqalpaqstan Respublikasında “Keleshek” orayı shólkemlestirildi. Onda Qaraqalpaqstan Respublikası Mektepke shekemgi hám mektep bilimlendiriw ministri Gulistan Kojabaeva “Keleshek orayı” xızmetkerleri menen ushırastı. Ushırasıwda oray jumısınıń tiykarǵı baǵdarları, balalar hám jas óspirimlerdiń bos waqtın nátiyjeli shólkemlestiriw, qábiletli jaslardı anıqlaw hám qollap-quwatlaw, dógereklerdiń jumısın zamanagóy talaplar tiykarında jolǵa qoyıw máseleleri dodalandı. Ministr Gulistan Kojabaeva “Keleshek orayı”nıń xızmetkerlerine juwapkershilikli wazıypalarda áwmet tilep, oraydıń jumısı jaslardıń intellektuallıq potencialın júzege shıǵarıwda úlken áhmiyetke iye ekenin atap ótti. Ushırasıw juwmaǵında pikir-usınıslar bildirilip, aldaǵı jumıslar boyınsha tiyisli tapsırmalar berildi.