ATQARÍW TÁRTIBI HÁM MÚRÁJATLAR MENEN ISLESIW MÁSELELERI TALÍQLANDÍ
Búgin ministr Amanjol Ayapovtıń qatnasıwında ministrliktiń barlıq bólim baslıqları menen atqarıw tártibi hám múrájatlar menen islesiw máseleleri boyınsha talıqlaw ótkerildi.
Talıqlaw dawamında orınlawshıda turǵan hújjetler hám xatlardıń belgilengen múddetlerde orınlanıwı, kelip túsip atırǵan múrájatlardı óz waqtında kórip shıǵıw hám olarǵa tiykarlanǵan juwaplar beriw máselelerine ayrıqsha itibar qaratıldı.
Ministr tárepinen juwapkerlerge tapsırmalardıń orınlanıwın qatań qadaǵalawǵa alıw, múddetlerge ámel etiw, hújjetler hám múrájatlardıń orınlanıwın tiykarsız keshiktirmew, hár bir wazıypaǵa juwapkershilik penen qatnas jasaw boyınsha tiyisli túsinikler hám kórsetpeler berildi.
Talıqlaw juwmaǵında orınlaw tártibine ámel etpegen, xızmet wazıypalarına juwapkershiliksiz qatnasta bolǵan ayırım xızmetkerlerge intizamıy jaza sharaların qollanıw boyınsha tiyisli tapsırmalar berildi.



















