Ózbekstan Respublikası Mektepke shekemgi hám mektep bilimlendiriwi ministriniń 2025-jıl 31-oktyabrdegi “Mektepke shekemgi bilimlendiriw shólkemlerindegi psixoemocional jaǵdaydaǵı mashqalalar hám olardıń aldın alıw, sonday-aq, tárbiyalanıwshılardıń shaxsın qáliplestiriw” atamasındaǵı arnawlı buyrıǵı tiykarında 2025-jıldıń 27-28-noyabr kúnleri Tashkent qalasında oqıw-seminar shólkemlestirildi.

Bul oqıw-seminarda Qaraqalpaqstan Respublikasınan bir topar psixologlar qatnasıp, ózleriniń bilim hám tájiriybelerin arttırdı.

Seminar dawamında berilgen tapsırmalar, qatnasıwshılar tárepinen iyelengen bilim hám kónlikpeler jáne jańalıqlardı mektepke shekemgi bilimlendiriw shólkemlerindegi pedagog hám psixologlarǵa jetkeriw maqsetinde, Qaraqalpaqstan Respublikası Nókis qalasında jaylasqan Pedagogikalıq sheberlik orayında respublikamızdaǵı barlıq mektepke shekemgi bilimlendiriw shólkemleriniń psixologları ushın oqıw-seminarı shólkemlestirildi.

Oqıw-seminar procesinde qatnasıwshılar 7 toparǵa bólingen halda ámeliy treningler ótkerip, psixoemocional jaǵday menen baylanıslı mashqalalardı anıqlaw hám olardıń aldın alıwǵa baylanıslı bilim hám tájiriybelerin bekkemledi.