Rásmiy múnásibet

Usı jıldıń 3-dekabr kúni sociallıq tarmaqlarda Xojeli rayonında belgisiz shaxs mektep oqıwshısın urlap ketpekshi bolǵan jaǵday boyınsha maǵlıwmat tarqalǵan edi.
Bul jaǵday Qaraqalpaqstan Respublikası Mektepke shekemgi hám mektep bilimlendiriw ministrligi tárepinen ayrıqsha qadaǵalawǵa alınıp, tiyisli huqıq qorǵaw uyımları tárepinen operativ hám sorastırıw jumısları alıp barıldı.

Tergewge shekemgi tekseriw processinde bul puqaranıń shaxsı tolıq anıqlanıp, Qońırat rayonınan kelgeni, aldın sudlanǵanlıǵı, spirtli ishimlik ishken más halında 1-klass oqıwshısına unamsız háreketler islegenligi málim boldı. Házirgi waqıtta bul jaǵday boyınsha Xojeli rayonı IIB janındaǵı Tergew bólimi tárepinen Ózbekstan Respublikası Jınayat kodeksiniń 129-statyası menen jınayat isi qozǵatılıp, dáslepki tergew háreketleri alıp barılmaqta. Tergew processi hám nátiyjesi boyınsha ǴXQ arqalı qosımsha maǵlıwmat beriledi.

QR Mektepke shekemgi hám mektep bilimlendiriw ministrliginiń Málimleme xızmeti