Balalardı mámleketlik mektepke shekemgi bilimlendiriw shólkemine qabıllaw Ministrler Kabinetiniń 2018-jıl 28-marttaǵı 244-sanlı qararı menen tastıyıqlanǵan Hákimshilik reglament tiykarında ámelge asırıladı.

1-qádem. Arza tapsırıw
Ata-ana yamasa nızamlı wákil múrájat etedi:
Mámleketlik xızmetler orayına jeke ózi yamasa Birden-bir interaktiv mámleketlik xızmetler portalı arqalı onlayn;
Sonday-aq, bala tuwılǵanda PHAJ arqalı tuwılǵanlıq gúwalıǵın alıwda bir waqıttıń ózinde gezekke qoyıw da múmkin.

2-qádem. Baqshalardı tańlaw
Náwbetke qoyıwda:
bir waqıttıń ózinde 3 mektepke shekemgi bilimlendiriw shólkemin tańlawı múmkin.
Bul sizge orın shıǵıw itimalın arttıradı.

3-qádem. Náwbet túri belgilenedi
Bala náwbetke eki túrli tártipte qoyıladı:
Ápiwayı náwbet;
Jeńilletilgen náwbet (eger hújjetler tiykarında jeńillik bolsa).
Jeńillikli kategoriya avtomatikalıq túrde sistemada sáwlelenedi.

4-qádem. Náwbetti onlayn baqlaw
Náwbet jaǵdayın turaqlı túrde tekserip barıw múmkin:
https://navbat.uzedu.uz
Bul jerde:
• náwbet nomeri;
• qaysı baqshada náwbette turǵanı;
• háreketler jaģdayı kórinedi.

5-qádem. Bos orın bolsa – jollama beriledi
MShBShlerde bos orınlar elektron tárizde esapqa alınadı.
Mektepke shekemgi bilimlendiriwdi basqarıw málimleme sisteması (MEBMSh) arqalı avtomatikalıq túrde qáliplestiriledi.
Sonnan:
• mámleketlik mektepke shekemgi bilimlendiriw shólkemileri;
• Mámleketlik emes jeke sheriklik tiykarındaǵı mámleketlik emes shólkemler;
• sociallıq kvotalar boyınsha jollamalardıń barlıǵı elektron tárizde ámelge asırıladı.

Bul sistema ne ushin kerek?
• sistema insan faktorın azaytıw;
• Náwbette ádillikti támiyinlew;
• Ata-analar ushın processti ashıq etiwge xizmet etedi.