Usı jıldıń 26-yanvar kúni sociallıq tarmaqlarda 27-sanlı ulıwma orta bilim beriw mektebi oqıwshılarınıń qurılıs-ońlaw jumısları múnásibeti menen 68-sanlı mektepke kóshirilgeni hám ayırım jaǵdaylarda klass xanalarınıń jetispewshiligi haqqında videomaterial tarqaldı.

Tarqalǵan videomaterial boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen qadaǵalawǵa alınıp, úyreniw jumısları alsıp barıldı.

Úyreniw dawamında rayondaǵı 27-sanlı mektepte kapital ońlaw jumısları hám qosımsha 210 orınlıq jańa imarat qurılısı alıp barılıp atırǵanılıǵı, qurılıs-ońlaw jumısları oqıwshılardıń bilim alıw processine unamsız tásir kórsetpewin támiyinlew maqsetinde, mektepke jaqın jaylasqan 68-sanlı ulıwma orta bilim beriw mektebine oqıwshılar waqtınsha kóshirilgenligi málim boldı.

Mektep aymaǵındaǵı bar xızmet bólmelerinen biri oqıw processi talaplarına muwapıq qayta úskenelendi hám oqıwshılardıń tolıq bilim alıwı ushın zárúr sharayatlar jaratıldı.

Sonday-aq, keleshekte bunday kemshiliklerdiń aldın alıw, oqıwshılar ushın múnásip, qolaylı hám qáwipsiz bilimlendiriw ortalıǵın jaratıw maqsetinde qadaǵalaw ilajları dawam etetuǵının málim etip bildiremiz.

QR Mektepke shekemgi hám mektep bilimlendiriw ministrliginiń Málimleme xızmeti