Búgin Nókis qalası 55-sanlı ulıwma orta bilim beriw mektebinde “Hadallıq sabaqları”, hám “GRACE” bilimlendiriw baǵdarlaması sheńberinde ushrasıw ótkerildi.

Onda Ózbekstan Respublikası Korrupciyaǵa qarsı gúresiw agentliginiń direktor orınbasarı Umida Toxtashova, Qaraqalpaqstan Respublikası Joqarǵı Keńesi sud huqıq máseleleri hám korrupciyaǵa qarsı gúresiw komiteti baslıǵı Alisher Atajanov hám bilimlendiriw taraw wákilleri qatnastı.

Ushırasıwda Ózbekstan Respublikası Korrupciyaǵa qarsı gúresiw agentliginiń direktor orınbasarı Umida Toxtashova mektep oqıwshıları menen ushırasıp, olar menen “Hadallıq sabaqları” hám de GRACE bilimlendiriw baǵdarlaması boyınsha jaqınnan sáwbetlesti.
Sonday-aq, Nókis qalası ulıwma orta bilim beriw mektep direktorları menen ushırasıp, olar menen dóngeles stol átrapında pikirler almastı.
Onda tiykarınan

– “Hadallıq qádiriyatları,” “Durıslıq,” “Miynet súygishlik,” “Tınısh turmıs tiykarı” temalarında úgit-násiyat jumıslarınıń alıp barılǵanlıǵı.
– “Oqıwshı jaslar – hadallıq tárepdarı” temasında ótkerilgen ushırasıw hám sáwbetler.
– “Hadallıq” dógerekleriniń shólkemlestirilgenligi, dógerek basshısı kim ekenligi.
– Dógerek jumısı sheńberinde metodikalıq qollanbalar hám oqıw materiallarınan paydalanılıp atırǵanılıǵı boyınsha pikir hám usınıslar tıńlandı.

Ilaj dawmında miyman mektepte oqıwshılar ushın jaratılǵan shárayatlar menen tanıstı.

Sonıń menen birge Umida Toxtashova Nókis qalasında jaylasqan 48-sanlı mektepke shekemgi bilimlendiriw shólkeminde boldı.

Ol jerde shólkem tárbiyalanıwshılar ushın jaratılǵan qolaylıqlar menen tanıstı. Tárbiyalanıwshılar arasında “Watan súyiwshilik”, “tuwrılıq”, “hadallıq”, “haqıyqatlıq”, “miynet súyiwshilik” temalarǵa baylanslı ata-ana hám perzentleri menen birgelikte súwretler tańlawın ótkerilgen. Bunda tiykarǵı maqset balalar ushın jaman illet sanalǵan korrupciyanı balalıqtan baslap jasına say tárizde túsintirip barıwdan ibarat.

Ilaj dawamında tárbiyalanıwshılar tárepinen “Rastgóylik” atamasında sahnalıq kórinis shólkemlestirildi.