Búgin Xojeli rayonında Respublikamızdıń barlıq aymaqlarınan kelgen inklyuziv klass muǵallimleri hám arnawlı pedagoglar ushın oqıw seminarı shólkemlestirildi.

Seminardı Qaraqalpaqstan Respublikası Mektepke shekemgi hám mektep bilimlendiriw ministr orınbasarı Q.Ismailov ashıp berip, inklyuziv bilimlendiriwdi jáne de rawajlandırıw, sapalı bilimlendiriw ortalıǵın jaratıw hám ayrıqsha mútájligi bar balalardı qollap-quwatlaw máseleleri boyınsha óz pikir-usınısların bildirdi.

Seminar dawamında 4-, 10-, 18- hám 23-mekteplerdiń arnawlı pedagogları tárepinen ámeliy trening sabaqları ótkerildi. Onda zamanagóy metodlar, individual qatnas hám tájiriybe almasıw máselelerine ayrıqsha itibar qaratıldı.

Ilaj juwmaǵında qatnasıwshılar inklyuziv bilimlendiriwdi jetilistiriw boyınsha pikir-usınısların bildirdi. Keleshekte bunday oqıw seminarların turaqlı túrde shólkemlestiriw rejelestirilmekte.