Arnawlı qarar tiykarında jańa bahalaw sisteması engizilgen mekteplerde 2025-2026-oqıw jılı III sheregi juwmaǵı boyınsha oraylasqan summativ bahalaw sınaqları ótkerilmekte.
Oǵan bola, Respublikamızdaǵı 234 ulıwma orta bilim beriw mektepleriniń 5-11-klass oqıwshıları pánler kesiminde shereklik summativ bahalaw sınaqlarında qatnaspaqta.
Atap aytqanda:
• 2026-jıl 10-18-mart kúnleri 231 ulıwma orta bilim beriw mektebinde sınaqlar onlayn tárizde ótkerilmekte.
• 2026-jıl 14-mart kúni bolsa Respublikadaǵı 3 ulıwma orta bilim beriw mektebinde 5-11-klass oqıwshıları ushın sınaqlar dástúriy (oflayn) tárizde shólkemlestiriledi.
Maǵlıwmat ushın:
Jańa bahalaw sisteması engizilgen mekteplerdiń jumısı ótken oqıw jılı juwmaǵında úyrenilip, nátiyjede 16 ulıwma bilim beriw mektebiniń basshı hám pedagog kadrlarına 1 jıl dawamında 40 payızǵa shekem ústeme tólep kelinbekte.
Sonday-aq, arnawlı qararǵa muwapıq, bıyılǵı oqıw jılı juwmaqları menen jáne 47 ulıwma orta bilim beriw mektebi ústemeler alıw huqıqına iye bolıwı kútilmekte.
