Ulıwma bilim beriw mekteplerinde shet tilleri qatarında nemis tilin úyrenip atırǵan oqıwshılar ushın Germaniyanıń Gyote-Instituttı tárepinen til úyreniw ushın zárúr bolǵan oqıw quralları – kitaplar hám audiomateriallar alıp kelindi.

Bul oqıw materialları oqıwshılardıń shet tillerine bolǵan qızıǵıwshılıǵın jáne de arttırıw, olardıń til úyreniw processin nátiyjeli shólkemlestiriwge xızmet etedi.

Keltirilgen kitaplar A1 dárejeden B2 dárejesine shekemgi basqıshlarda nemis tilin úyreniwge mólsherlengen bolıp, oqıwshılardıń basqıshpa-basqısh bilimin bekkemlewge járdem beredi.

Bunday grant joybarları bilimlendiriw mákemelerinde shet tillerin oqıtıw sapasın arttırıw hám oqıwshılarǵa zamanagóy oqıw resursların jetkerip beriwde úlken áhmiyetke iye.