Búgin Qaraqalpaq mámleketlik universitetinde Ózbekstan Respublikası Sanlı texnologiyalar ministrligi hám Ózbekstan Respublikası Mektepke shekemgi hám mektep bilimlendiriwi ministrliginiń qospa qararına tiykarlanıp “InfoTeach-2026” forumı ótkerildi.

Bul forum Respublika aymaqlarındaǵı ulıwma orta bilim beriw mektepleriniń informatika hám málimleme texnologiyaları páni muǵallimleri ushın zamanagóy sanlı texnologiyalar hám jasalma intellekt baǵdarında shólkemlestirilgen.

Forumda Qaraqalpaqstan Respublikası Mektepke shekemgi hám mektep bilimlendiriwi ministriniń birinshi orınbasarı Aybek Dauletbaev, Ózbekstan Respublikası Sanlı texnologiyalar ministrligi janındaǵı Sanlı bilimlendiriwdi rawajlandırıw orayı Sanlı kónlikpelerdi rawajlandırıw hám mamanlıqların bahalaw bóliminiń bas qánigesi, motivator, moderator Barno Tursinaliyeva hám tájiriybeli spikerler, sonday-aq, barlıq rayon (qala) lardan informatika hám málimleme texnologiyaları páni muǵallimleri belsene qatnastı.

Ilaj sheńberinde:
– zamanagóy IT sheshimler;
– jasalma intellekt imkaniyatları;
– sanlı kónlikpelerdi rawajlandırıwǵa qaratılǵan ámeliy treningler shólkemlestirildi;
– Ilajda qatnasqan muǵallimlerimiz arnawlı sertifikatlar hám voucherler menen sıylıqlandı.

“InfoTeach-2026” – oqıtıwshılardıń kásiplik potencialın arttırıw, bilimlendiriw sistemasına innovaciyalıq kózqaraslardı engiziw hám sanlı keleshekke qaray áhmiyetli qádem bolıp esaplanadı.