Bozataw rayonında Jınayat isleri boyınsha Shımbay rayon Sudınıń usınısın talıqlaw maqsetinde ushırasıw ótkerildi.

Ushırasıwda Qaraqalpaqstan Respublikası Mektepke shekemgi hám mektep bilimlendiriw ministrliginiń Korrupciyaǵa qarsı gúresiw hám huqıqıy qadaǵalaw bólimi bas qánigesi Shaxzada Babanazarova, rayonlıq Mektepke shekemgi hám mektep bilimlendiriw bólimi hám rayondaǵı barlıq mektepke shekemgi hám mektep direktorları qatnastı.

Ilajda Mektepke shekemgi hám mektep bilimlendiriw bólimi baslıǵı w.w.a G.Bekbosinova shıǵıp sóylep, ol óz sózinde korrupciya jámiyettiń rawajlanıwına qarsı qaratilǵan háreket sıpatında hár qanday jámiyet hám mámlekette sociallıq- ekonomikalıq mashqalalardı keltirip shıǵarıwǵa sebep bolatuǵın faktor sıpatında bahalanadi. Prezidentimizdiń basshılıǵında mámleketlik hám jámiyetlik turmıstiń barlıq tarawlarında korrupciyanıń aldın alıwǵa qaratilǵan sistemalı ámeliy isler alıp barılıp, tiyisli ilajlar kórilip atırǵanlıǵın atap ótti.

Qaraqalpaqstan Respublikası Mektepke shekemgi hám mektep bilimlendiriw ministrliginiń Korrupciyaǵa qarsı gúresiw hám huqıqıy qadaǵalaw bólimi bas qánigesi Sh.Babanazarova sózge shıǵıp, Jınayat isleri boyınsha Shımbay rayon Sudı 2025-jıl 22-oktyabr kúngi húkimi menen sudlanǵanlar hám jınayat isi boyınsha shıǵarılǵan ayrıqsha uyǵarıwdı, jınayat isiniń dáslepki tergewi processinde anıqlanǵan qáte-kemshlikler haqqında aytıp ótti.

Májiliste keltirilgen qáte-kemshiliklerdi tereń talqılaǵan halda, aldaǵı waqıtta bilimlendiriw tarawında ámelge asırılıwı zárúr bolǵan jumıslardı elede nátiyjeli shólkemlestiriw, tarawdaǵi basshılardıń jeke juwapkershiligin arttırıw kerekligi eskertildi.