Búgin Nókis qalası 8-sanlı ulıwma orta bilim beriw mektebinde “Kriteriyalarǵa tiykarlanǵan jańa bahalaw sistemasınıń áhmiyeti” atamasında ámeliy seminar shólkemlestirildi.

Seminarǵa Qaraqalpaqstan Respublikası Mektepke shekemgi hám mektep bilimlendiriw ministr orınbasarı Aybek Dauletbaev, juwapker wákiller, jańa bahalaw sisteması engizilgen mektep direktorları qatnastı.

Ózbekstan Respublikası Prezidenti basshılıǵında 2023-jıl 28-avgust kúni keńeytilgen tárizde ótkerilgen videoselektor májilisiniń 28-sanlı protokolınıń 12-bántinde 2023-2024-oqıw jılında Ózbekstan boyınsha 500 ulıwma bilim beriw mekteplerinde Prezident hám qánigelestirilgen mekteplerdiń oqıtıw hám bahalaw sisteması engiziw kórsetip kórsetip ótilgen edi.

Usı bánttiń orınlanıwı sheńberinde 2023-2024-oqıw jılınan Qaraqalpaqstan Respublikasındaǵı 34 ulıwma bilim beriw mektebinde bilimlendiriw qaraqalpaq, ózbek, rus tillerinde alıp barılatuǵın mekteplerde Prezident mektebi hám qánigelestirilgen bilimlendiriw mákemeleri agentligi sistemasındaǵı bilimlendiriw mákemeleriniń oqıwshıların bahalaw tártibi engizildi.

Bul kórsetkish 2024-2025-oqıw jılınan 44 ke hám 2025-2026-oqıw jılında 156 ulıwma bilim beriw mektebin qamtıp alıw menen arttırıldı.
Házirgi kúnde, Qaraqalpaqstan Respublikasında jámi 234 (31,8%) mektepte jańa bahalaw sistemasında oqıwshılardıń bilimin bahalaw ámelge asırılmaqta. Usı mekteplerde jańa bahalaw sistemasında oqıwshılardıń bilimin bahalap hám jańa sistema muǵallimlerdiń óz ústinde islewi, izleniwi hám oqıwshılarda bilimlendiriw sapası kórsetkishleriniń jaqsılanıwına alıp kelmekte.

Aldımızdaǵı 2026-2027-oqıw jılınan oqıwshılardıń bilimin bahalawdıń jańa tártibin engizetuǵın mekteplerdiń sanın ótken jıldaǵı 234 mektep sanına kóbeytip 116 ulıwma bilim beriw mekteplerinde engiziw rejelestirilmekte hám jańa 2026-2027-oqıw jılınan mekteplerdiń sanı 350 ge (47,6%) jetkeriliwi belgilep alındı.