Qaraqalpaqstan Respublikası Mektepke shekemgi hám mektep bilimlendiriwi ministrliginiń májilisler zalında mámleketlik hám mámleketlik emes jeke menshik sheriklik jáne shańaraqlıq mektepke shekemgi bilimlendiriw shólkemleriniń basshıları qatnasıwında Zoom platforması arqalı májilis ótkerildi. Májiliste Qaraqalpaqstan Respublikası Mektepke shekemgi hám mektep bilimlendiriwi ministriniń orınbasarı Muxabbat Shlimbetova, ministr orınbasarı Qadirbay Ismaiylov Ishki isler ministrligi Jámiyetlik qáwipsizlik xızmeti Jol háreketi qáwipsizligi basqarmasınıń baslıǵı podpolkovnik Sherzod Abdunazarov, Ishki isler ministrligi Jámiyetlik qáwipsizlik xızmeti Huqıqbuzarlıqlar profilaktikası basqarmasınıń baslıǵı podpolkovnik Farxat Urumbaev hám barlıq mektepke shekemgi bilimlendiriw shólkemleriniń basshıları qatnastı. Májilis dawamında mektepke shekemgi bilimlendiriw shólkemlerinde balalardıń qáwipsizligin támiyinlew, jol háreketi qáwipsizligi qaǵıydalarına ámel etiw, huqıqbuzarlıqlardıń aldın alıw, sonday-aq, bilimlendiriw mákemelerinde tártip-intizamdı jáne de kúsheytiw máseleleri dodalandı. Juwapkerler tárepinen tarawda qáwipsizlik ilajların kúsheytiw, tárbiyalanıwshılardıń ómiri hám densawlıǵın qorǵaw baǵdarında ámelge asırılıwı kerek bolǵan wazıypalar boyınsha tiyisli usınıslar hám tapsırmalar berildi. 
