⚡️ Qaraqalpaqstan Respublikası Mektepke shekemgi hám mektep bilimlendiriwi ministrliginde «Kiber jınayatlarǵa qarsı gúres – zaman talabı» atamasında ushırasıw ótkerildi.

✅ Onda Qaraqalpaqstan Respublikası Mektepke shekemgi hám mektep bilimlendiriw ministr orınbasarı Alisher Erejepov, Qaraqalpaqstan Respublikası Ishki isler ministrligi kiberjınayatlarǵa qarsı gúresiw basqarması aǵa inspektori kapitan Shuxrat Uzakbergenov hám aǵa leytenant Atabek Xodjaev hám ministrlik xızmetkerleri hám zoom arqalı bilimlendiriw mákemeleri basshıları qatnastı.

✍️ Ushırasıwda kiber qáwipsizlikti támiyinlew, internetten qáwipsiz paydalanıw mádeniyatın qáliplestiriw hám kiber jınayatlardıń aldıń alıw boyınsha túsinik jumısları alıp barıldı.

Kiber jınayat túrleri:
➖ Fishing – aldaw xatları hám xabarlamalar;
➖ Xakerlik hújimler;
➖ Viruslı baǵdarlamalar;
➖ Jeke maǵlıwmatlardı urlaw.

Qáwipsizlik qaǵıydaları:
➖ Kúshli parollar qollanıń;
➖ Antivirustan paydalanıń;
➖ Gúmanlı siltemelerge baspań;
➖ Jeke maǵlıwmatlarıńızdı qorǵań.

✅ Kiber qáwipsizlik – tek mámleketlik uyımlar emes, bálkim hár bir puqaranıń da juwapkershiligi. Sanlı texnologiyalar rawajlanǵan dáwirde internetten durıs hám abaylap paydalanıw zaman talabı.