Ellikqala rayonı “Amirobod” APJ aymaǵında zamanagóy 70-sanlı ulıwma orta bilim beriw mektebiniń jańa imaratı saltanatlı túrde paydalanıwǵa tapsırıldı

Bul bilimlendiriw orayı Ózbekstan Respublikası Prezidentiniń 2021-jılı 18-sentyabrdegi “Islam rawajlanıw banki hám OPEK Xalıqaralıq rawajlanıw fondı qatnasıwında “Awıllıq jerlerdi turaqlı rawajlandırıw” joybarın ámelge asırıw ilajları haqqında”ǵı PQ-5246-sanlı qararı tiykarında qurıldı.

️Ulıwma bahası 11 milliard 182 million sum bolǵan, 330 orınlı zamanagóy talaplarǵa tolıq juwap beretuǵın mektep imaratı oqıwshılar ushın qolaylı hám sapalı bilim alıw imkaniyatların jáne de keńeytedi.

Ashılıw máresimine Ellikqala rayonı hákimi V.Niyazimbetov, juwapker shólkemlerdiń wákilleri, bilimlendiriw tarawınıń xızmetkerleri, nuraniylar hám keń jámiyetshilik wákilleri qatnastı.

Jańa bilimlendiriw mákemesiniń paydalanıwǵa tapsırılıwı aymaqta bilimlendiriw infrastrukturasın rawajlandırıw, jas áwlad ushın zamanagóy sharayatlar jaratıw jolındaǵı áhmiyetli qádemlerden biri boldı.