Ózbekstan Respublikası Mektepke shekemgi hám mektep bilimlendiriwi ministrliginiń 2024-2025-oqıw jılınan baslap “Qaraqalpaqstan Respublikası Nókis qalası 46-sanlı ayırım pánler tereńlestirilip oqıtılatuǵın klassları bar ulıwma orta bilim beriw mektebinde Prezident mektepleri tájiriybesin engiziw haqqında”ǵı arnawlı buyrıq tiykarında Ózbekstanda birinshi márte ulıwma orta bilim beriw mektebinde Kembrij oqıw baǵdarlamaları tiykarında bilim beriw sisteması jolǵa qoyılǵan edi.
➖ 2025-2026-oqıw jılınan bul aldıńǵı tájiriybe Nókis qalasında jańadan qurılıp paydalanıwǵa tapsırılǵan 55-sanlı ulıwma orta bilim beriw mektebinde de tabıslı engizildi.

➖ ️Pánlerdiń inglis tilinde oqıtılıwı, zamanagóy metodika hám xalıqaralıq standartlar tiykarında shólkemlestirilgen bilimlendiriw processi qısqa waqıt ishinde óziniń unamlı nátiyjelerin kórsetti.

️Búgingi kúnde Kembrij oqıw baǵdarlamaları tiykarında bilim alıp atırǵan 151 oqıwshıdan 59 oqıwshı (39,1 procent) shet tillerin biliw boyınsha milliy dárejedegi B1 hám B2 sertifikatların qolǵa kirgizdi.