Social tarmaqlar arqalı Tórtkúl rayonı 45-sanlı mektepte nızamsız pul jıynaw jaǵdayları boyınsha post tarqaldı.

Tarqalǵan post boyınsha Qaraqalpaqstan Respublikası Mektepke shekemgi hám mektep bilimlendiriwi ministrligi qadaǵalawǵa alıp úyreniw jumısların alıp bardı.

Úyreniw dawamında Tórtkúl rayonı 45-sanlı mekteptiń pitkeriwshi klass oqıwshılarınıń ata-anaları menen sáwbet ótkerilgende, 2026-jil 25-may sońǵı qońıraw ilajında saxna bezewi ushın ata-analar baslaması menen ıqtıyarlı túrde járdem berilgenligi anıqlandı.

Sonıń menen birge mektep administraciyası hám barlıq klass basshıları menen sáwbet ótkerildi. Pul jıynaw boyınsha hesh qanday tapsırma berilmegenligi anıqlanǵanlıǵın málim etip bildiremiz.