Sociallıq tarmaqlarda tarqalǵan mektepke shekemgi bilimlendiriw shólkemindegi jaǵday Qaraqalpaqstan Respublikası Mektepke shekemgi hám mektep bilimlendiriwi ministrligi tárepinen qadaǵalawǵa alınıp, úyrenildi.

Úyreniw dawamında bul jaǵday Nókis qalasındaǵı “Barbie Kids” jeke menshik mektepke shekemgi bilimlendiriw shólkeminde júz bergeni anıqlandı.

Jaǵday 2026-jılı 24-avgust kúni balalardı keshki waqıtta úylerine shıǵarıw processinde júzege kelgen. Úyreniw nátiyjesinde tárbiyashınıń óz xızmet wazıypalarına juwapkershiliksiz qatnasta bolǵanı anıqlandı. Sol sebepli onıń menen dúzilgen miynet shártnaması 2026-jılı 26-avgust kúni biykar etildi.

Sonday-aq, sociallıq tarmaqlarda tarqalǵan ayırım maǵlıwmatlarǵa anıqlıq kirgizip, tárbiyalanıwshınıń házirgi waqıtta emlewxanada emesligi, densawlıǵı hám jaǵdayı jaqsı ekenligin málim etemiz.

Ministrlik tárepinen mektepke shekemgi bilimlendiriw shólkemlerinde tárbiyalanıwshılardıń ómiri, densawlıǵı hám qáwipsizligin támiyinlew, pedagog xızmetkerlerdiń xızmet wazıypalarına juwapkershilik penen qatnas jasawı máselelerine ayrıqsha itibar qaratıladı.