Búgin Nókis xalıqaralıq aeroportında Abu Rayxan Beruniy atındaǵı III Xalıqaralıq ximiya olimpiadasında qatnasıw ushın mámleketimizge kelgen Túrkiya, Iordaniya, Ázerbayjan, Saudiya Arabstan, Izrail, Malayziya hám Rossiya delegaciyaları saltanatlı túrde kútip alındı.
Kútip alıw máresiminde Qaraqalpaqstan Respublikası Joqarǵı Keńesi Komitet baslıǵı Murat Atamuratov, Qaraqalpaqstan Respublikası Ministrler Keńesi baslıǵınıń orınbasarı Bayram Ótemuratov, Pán olimpiadaları orayınıń direktorı Toraboy Shermatov hám Qaraqalpaqstan Respublikası mektepke shekemgi hám mektep bilimlendiriwi ministri Amanjol Ayapov qatnastı.
➖ Máresim dawamında miymanlarǵa qızǵın tilekler bildirilip, barlıq qatnasıwshılarǵa olimpiadada áwmet hám tabıslar tiledi.
Házirgi waqıtta xalıqaralıq olimpiada qatnasıwshıların kútip alıw processleri dawam etpekte.
















