Búgin Qaraqalpaqstan Respublikası Nókis qalasında Abu Rayxan atındaǵı Xalıqaralıq Beruniy olimpiadasınıń saltanatlı ashılıw máresimi bolıp ótti.  Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Qánigelestirilgen bilimlendiriw mákemeleri agentligi direktorınıń orınbasarı Xasan Shakirov, Pán olimpiadaları orayınıń direktorı Torabay Shermatov, ARBICHO 2026 Ilimiy komitetiniń járdemshi baslıǵı Aleksandr Gladilin, Qaraqalpaqstan Respublikası Mektepke shekemgi hám mektep bilimlendiriw ministri Amanjol Ayapov qatnastı. Ózbekstanda úshinshi márte ótkerilip atırǵan bul olimpiada ximiya páninen shólkemlestirilmekte. Olimpiadada 🇦🇿 Ázerbayjan, 🇨🇷 Kosta-Rika, 🇬🇪 Gruziya, 🇮🇱 Izrail, 🇯🇴 Iordaniya, 🇰🇿 Qazaqstan, 🇰🇬 Qırǵızstan, 🇲🇾 Malayziya, 🇲🇳 Mongoliya, 🇶🇦 Qatar, 🇷🇺 Rossiya, 🇸🇦 Saudiya Arabstan, 🇹🇯 Tájikstan, 🇹🇭 Tailand, 🇹🇷 Turkiya, 🇹🇲 Túrkmenstan mámleketlerinen kelgen hámde 🇺🇿 Ózbekstan wákillerinen ibarat eń qábiletli oqıwshı-jaslar qatnasadı. Olimpiada bellesiwleri 5-6-noyabr kúnleri 2 turda ótkeriledi. Olimpiada tapsırmaları xalıqaralıq olimpiada standartları tiykarında bahalanadı. Sonday-aq, bul abıraylı ilimiy jarısqa sırt mámleketlerden joqarı mamanlıqtaǵı xalıqaralıq ekspertler, jetik ilimpazlar hám professorlar tartılǵan. Olimpiada juwmaǵında jeńimpazlar shólkemlestiriwshiler tárepinen altın, gúmis, bronza medalları menen sıylıqlanadı. 🔴janlı efir https://www.youtube.com/live/JOFOj6ptAR4?si=aB99Hfcm7zMzLpIh