Mektepte qáwipsizlik máselelerine baǵıshlanǵan ushırasıw ótkerildi

Nókis qalasındaǵı 46-sanlı ulıwma bilim beriw mektebinde oqıwshılardıń qáwipsizligin támiyinlew, olar arasında huqıqbuzarlıq hám túrli unamsız jaǵdaylardıń aldın alıw maqsetinde “Qáwipsiz hám salamat el” operativ-profilaktikalıq ushırasıwı shólkemlestirildi.

➖ Ushırasıwda oqıwshılardıń ata-anaları qatnasıp, perzentler tárbiyasında shańaraq hám bilimlendiriw mákemesiniń birge islesiwiniń áhmiyeti, jas óspirimlerdiń bos waqtın mazmunlı shólkemlestiriw, olardıń minez-qulqı hám qáwipsizligine turaqlı itibar qaratıw máseleleri boyınsha pikir alısıldı.
➖ Sonday-aq, oqıwshılarǵa nızamǵa húrmet penen qatnasta bolıw, huqıqıy sana hám mádeniyattı joqarılatıw, huqıqıy nigilizmniń unamsız aqıbetleri haqqında túsinikler berildi.
➖ Mekteplerde túrli sıltawlar menen pul qarjılarınıń jıynalıwınıń aldın alıw boyınsha da keń túrde túsinik jumısları alıp barıldı.

Tiykarǵı maqset – oqıwshılar ushın qáwipsiz hám salamat ortalıqtı qáliplestiriw, jaslar arasında huqıqbuzarlıqlardıń aldın alıw, ata-analardıń perzent tárbiyasındaǵı juwapkershiligin arttırıw jáne mektep, shańaraq hám máhálle birge islesiwin bunnan bılay da bekkemlewden ibarat.

Bunday profilaktikalıq hám úgit-násiyatlaw ilajları izbe-iz dawam ettiriledi.