Ózbekstan Respublikası Prezidenti Shavkat Mirziyoev 21-iyul kúni Sholpanata qalasında ótkerilgen Oraylıq Aziya mámleketleri basshılarınıń Másláhát ushırasıwı sheńberinde Tájikstan Respublikası Prezidenti Emomali Rahman menen ushırasıw ótkerdi.

Ushırasıwda joqarı dárejede erisilgen kelisimlerdi ámelge asırıw tiykarında jaqsı qońsıshılıq, strategiyalıq birge islesiw qatnasıqların jáne de bekkemlew máseleleri talqılandı.

Sawda, sanaat, awıl xojalıǵı, energetika, transport hám logistika tarawlarında qospa joybarlardı alǵa qoyıw hám ámeliy sheriklikti rawajlandırıwǵa ayrıqsha itibar qaratıldı.

Ózbekstan hám Tájikstan Prezidentleri áhmiyetli máseleler boyınsha da pikir alıstı.

Azizbek Dabılov,

QMUdıń Internet jurnalistikası tálim baǵdarınıń 3-kurs studenti.

Qaraqalpaqstan xabar agentligi