27-avgust kúni Pedagogikalıq sheberlik orayında 2024-2025-oqıw jılında «Bilimlendiriw sapası joqarı bolmaǵan mektep» direktorları, oqıw hám de ruwxıy-aǵartıwshılıq isleri boyınsha orınbasarları ushın oqıw-seminarı shólkemlestirildi.

Ózbekstan Respublikası Ministrler Kabinetiniń 2021-jıl 15-oktyabrdegi 646-sanlı qararı tiykarında hár jılı mart ayında arnawlı bahalaw kriteriyaları menen ulıwma bilim beriw mektepleri bahalanıp, bilimlendiriw sapası joqarı bolmaǵan mektepler dizimi járiyalanıp kelinbekte.

Bahalaw juwmaǵında 2024-2025-oqıw jılı ushın respublikamızdan 29 ulıwma bilim beriw mektebi «Bilimlendiriw sapası joqarı bolmaǵan mektepler» qatarına kiritildi.

Trenerler tárepinen «Bilimlendiriw sapası joqarı bolmaǵan mektep» direktorları hám olardıń orınbasarları sapalı basqarıw, ámeldegi hám variativ oqıw-reje, bilimlendiriw sapası joqarı bolmaǵan mektepler dizimin anıqlawdaǵı bahalaw kriteriyaları, pedagoglarda zamanagóy sabaqlardı shólkemlestiriwdegi kónlikpelerin rawajlandırıw, ulıwma bilim beriw mekteplerinde klasslardı komplektlew hám tarifikaciya dizimlerin qáliplestiriw tártibi, salamat ortalıq jaratıw baǵdarlarındaǵı jumıslar  boyınsha bir qatar ámeliy hám metodikalıq jaqtan túsinikler berildi.