Búgin Ámiwdáriya rayonı 22-sanlı ulıwma orta bilim beriw mektebinde Qaraqalpaqstan Respublikası Mektepke shekemgi hám mektep bilimlendiriw ministriniń náwbettegi kóshpeli qabıllawı ótkerildi.

Kóshpeli qabıllawda jámi 2 múrájat kelip tústi. Puqara D.Davletbaeva óz qánigeligi boyınsha jumıs sorap múrájat etti. Dilnozanıń múrájatı unamlı sheshilip, rayondaǵı 76-sanlı ulıwma orta bilim beriw mektebinde rus tili páni muǵallimı bolıp jumısqa ornalastı. Qalǵan bir múrájat iyesine huqıqıy túsinik berildi.

Sonday-aq, ministr G.Kojabaeva basshılıǵında mektepke shekemgi hám mektep direktorları qatnasıwında ashıw sáwbet shólkemlestirildi.

Ilaj dawamında kásiplik sertifikatlawǵa tartıw, mektepke shekemgi hám mektep bilimlendiriw mákemelerinde xalıqaralıq hám jergilikli grantlardı jeńip alıw boyınsha maǵlıwmatlar berildi.

Аshıq sáwbet qatnasıwshıları tarawǵa baylanıslı ózleri qızıqtırǵan sorawlarına juwaplar alıp, pikir hám usınısların bildirdi.