Qaraqalpaqstan Respublikası Mektepke shekemgi hám mektep bilimlendiriw ministrliginiń «Pedagoglardıń bilim hám qánigeligin bahalawdı shólkemlestiriw sektorı» tárepinen ministrlik quramındaǵı ulıwma orta bilim beriw mektepleri, qánigelestirilgen mektepler ushın «Ulıwma orta bilimlendiriw tarawında jumıs islep atırǵan pedagog kadrlarǵa ústeme belgilewde  qollanılatuǵın ulıwma bilim beriw pánleri boyınsha milliy hám xalıqaralıq tán alınǵan sertifikatlardıń haqıyqıylıǵın tastıyıqlaw haqqında» zoom baǵdarlaması arqalı seminar shólkemlestirildi.

Seminarǵa Ózbekstan Respublikası Mektepke shekemgi hám mektep bilimlendiriw ministrligi bas qánigesi H.Ubaydullaev hám Qaraqalpaqstan Respublikası Mektepke shekemgi hám mektep bilimlendiriw ministrliginiń metodisti B.Habibullaev, ulıwma bilim beriw mektep direktorları hám oqıw isleri boyınsha direktor orınbasarları qatnastı.

Seminarda bilimlendiriw mákemelerinde pedagog kadrlarǵa ústeme belgilewde qollanılatıǵın ulıwma bilim beriw pánleri boyınsha milliy hám xalıqaralıq tán alınǵan sertifikatlardıń haqıyqıylıǵın tastıyıqlaw, ulıwma bilim beriw mektep tárepinen birden-bir elektron sistema erp.maktab.uz saytına sertifikatlar júklew, verifikaciyadan ótkerilgen sertifikatlar boyınsha ústeme tólew tártipleri haqqında keńnen tusinikler berildi.

Ulıwma bilim beriw mektepleri basshılardıń ózleriniń qızıqtırǵan sorawlarına juwaplar aldı.