#xalıqaralıq_birge_islesiw Búgin Nókis qalasındaǵı 2-sanlı ayırım pánler tereńlestirip oqıtılatuǵın klassları bar ulıwma bilim beriw mektebinde GIZ (Germaniya birge islesiw shólkemi) tárepinen “Jaslar, jaslarǵa ustaz!” joybarı negizinde seminar ótkeriledi. Seminarǵa Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva, Germaniya xalıqaralıq eksperti, Integration Jámáát sárdarı Bianca Jaenecke, xalıqaralıq ekspert Mumtoz Abdurazakova, KaraPro marketing agentliginiń direktorı, bloger, sociallıq tarmaqlar arqalı biznesti rawajlandırıw boyınsha SM menedjeri Sanduǵash Kalbaeva, Ústirt geofizika ekspediciyası jaslar menen islesiw bóliminiń baslıǵı Muqaddas Tanatarova,  IT qánigesi, Nókis IT park mektebiniń direktorı Madraimov Rustam, dizayner, “Indy Fry” brendiniń tiykarın salıwshısı, model hám dizayner kursınıń tiykarın salıwshısı Indira Jumabaeva, “Berlin_Nukus oqıw orayınıń tiykarın salıwshısı Nursultan Tabisqanov,  PhD joybarı boyınsha optic biosensor Zakirov Nurzad hám oqıtıwshılar hám oqıwshılar qatnastı. Seminar qatnasıwshıları oqıwshılarǵa ózleriniń basıp ótken jolları, ózleriniń kásibi arqalı erisken jetiskenlikleri haqqında maǵlıwmatlar hám oqıwshı-jaslarǵa keleshekke degen isenimdi bekkemlewshi psixologiyalıq motivaciya berdi. Bul seminardı ótkeriwdegi tiykarǵı maqset, oqıwshılardı kásipke baǵdarlaw, is-ilajların belgilep alıw, onı ámelge asırıw hám bahalaw, sonday-aq, seminar qatnasıwshıları menen birge islesip qoymastan, aldaǵı waqıtlarda «ustaz-shágirt» sıpatında oqıwshılardı biriktirip, kásipke baǵdarlaw jumısların dawam etiwden ibarat.