Kún tártibi máselesi boyınsha Mektepke shekemgi bilimlendiriw shólkemlerinde alıp barılıp atırǵan jumıslar haqqında Mektepke shekemgi bilimlendiriw shólkemlerin muwapıqlastırıw sektorı baslıǵı Z.Erejepova óz bayanatın jasadı. Ótkerilgen ilaj dawamında tiykarınan: – ulıwma orta bilim beriw mektepleriniń shet-tili muǵallimleri keminde B2 dárejedegi milliy yamasa xalıqaralıq sertifikatqa iye bolıwı; – oqıtıwshılardıń qánigelik ketegoriyasına iye bolıwı; – bilimlendiriw sapası joqarı bolmaǵan mektepler; – qánigelestirilgen mekteplerdiń bahalaw sistemasın ulıwma orta bilim beriw mekteplerine engiziw; – 5 jıldan berli tiykarǵı pón olimpiadasına rayon(qala)lıq basqıshında sıylı orın almaǵan mektepler; – e-maktab platformasında alıp barılıp atırǵan jumıslar; – edo.ijro platformasına kelip túsken hújjetlerdiń orınlanıwı; – mektep pitkeriwshileriniń joqarı oqıw orınlarına kiriw kórsetkishleri; – ministrlik tárepinen mektepke shekemgi bilimlendiriw shólkemlerinde úyrenilgen jumıslar keńnen talqılandı. Májilis sońında kórilgen máseleler boyınsha kollegiya aǵzaları tárepinen tiyisli qararlar qabıl etildi hám isleniwi kerek bolǵan wazıypalar belgilenip alındı.