#ushırasıw
MINISTR ISBILERMENLER MENEN USHÍRASTÍ
Búgin Qaraqalpaqstan Respublikası Mektepke shekemgi hám mektep bilimlendiriw ministriliginiń májilisler zalında mámleketlik emes mektepke shekemgi bilimlendiriw shólkemleriniń baslıqları menen ushırasıw bolıp ótti.
Ushırasıwǵa Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, Ministr orınbasarları M.Shlımbetova hám A.Erejepovlar, sonday-aq ministrliktiktiń juwapker xızmetkerleri hám tarawda jumıs alıp barıp atırǵan mámleketlik emes mektepke shekemgi bilimlendiriw shólkemleri baslıqları qatnastı.
Ótkerilgen ilaj dawamında tiykarınan:
– jaqında social tarmaqlarda járiyalanǵan Nókis qalasındaǵı mámleketlik emes mektepke shekemgi bilimlendiriw shólkeminde jumıs islep atırǵan tárbiyashılardıń qopal is-háreketleri sáwlelengen videomaterialdı talıqlaw;
– mámleketlik emes mektepke shekemgi bilimlendiriw shólkemlerinde tárbiyalanıwshılarǵa sıpatlı tálim-tárbiya beriw;
– belgilengen reje tiykarında mektepke shekemgi bilimlendiriw shólkemi tárbiyashılardı qánigeligin arttırıw kurslarında oqıtıw;
– mámleketlik emes bilimlendiriw shólkemlerindegi tárbiyalanıwshı hám tárbiyashı pedagoglar haqqındaǵı maǵlıwmatlardı “Bolalar boqchasi” (bbit.uz) arnawlı platformasına kiritiw;
– Ózbekstan Respublikası Ministrler Kabinetiniń 2022-jıl 21-fevraldaǵı «Arnawlı elektron sistema arqalı ayırım iskerlik túrlerin licenziyalaw tártibi tuwrısındaǵı birden bir Rejeni tastıyıqlaw haqqında»ǵı 80-sanlı qararında kórsetilgen licenziya talaplarına muwapıq jumıs alıp barıw boyınsha túsindiriw jumısları alıp barıldı.
Ushırasıw sońında Qaraqalpaqstan Respublikasındaǵı mámleketlik, jeke, shańaraqlıq, jeke-sheriklik tiykarındaǵı mektepke shekemgi bilimlendiriw shólkemlerinde joqarıda aytılǵan unamsız jaǵdaylardıń aldın alıw maqsetinde Qaraqalpaqstan Respublikası Mektepke shekemgi hám mektep bilimlendiriw ministrligi tárepinen monitoring ótkeriw rejelestirlgenligi jáne bir márte eskertildi.
