Usı jılı 18-fevral kúni Qaraqalpaqstan Respublikası Mektepke shekemgi hám mektep bilimlendiriw ministrliginde tarawda jumıs alıp barıp atırǵan mámleketlik emes bilimlendiriw shólkemleri baslıqları menen ushırasıw bolıp ótti.
Ushırasıwǵa Qaraqalpaqstan Respublikası Mektepke shekemgi hám mektep bilimlendiriw ministri orınbasarı M.Shlımbetova, Ózbekstan Respublikası Mektepke shekemgi hám mektep bilimlendiriw ministrligi Bilimlendiriw mákemelerin licenziyalawdı shólkemlestiriw bólimi qánigeleri B.Abduraximov, J.Rashidov, Ózbekstan Respublikası Prezidenti janındaǵı Isbilermenlik subektleriniń huqıqları hám nızamlı máplerin qorǵaw boyınsha wákil apparatınıń Qaraqalpaqstan Respublikasındaǵı sektorı jetekshi inspektorı B.Sultanmuratov, Ózbekstan Sawda-sanaat palatası Qaraqalpaqstan Respublikası basqarması qánigeleri J.Berdimuratov, A.Amangeldiev, Qaraqalpaqstan Respublikası Qurılıs hám úy-jay kommunal xojalıǵı tarawında aymaqlıq qadaǵalaw inspekciyası bas qánigesi A.Adilbaev hám juwapker xızmetkerleri menen birge tarawda jumıs alıp barıp atırǵan mámleketlik emes bilimlendiriw mákemeleri baslıqları qatnastı.
➡️ Ótkerilgen ilaj dawamında tiykarınan;
➡️ Ózbekstan Respublikası Prezidentiniń 2024-jıl 14-noyabrdegi “Isbilermenler huqıqları hám nızamlı máplerin isenimli qorǵaw ilajları tuwrısında”ǵı PP-184-sanlı hámde 2024-jıl 27-dekbardegi “ Isbilermenler ushın teń sharayatlar hám ádalatlı báseki ortalıǵın támiyinlew boyınsha náwbettegi is-ilajlar haqqında”ǵı PP-229-sanlı Pármanınıń mazmun-mánisin túsindiriw;
➡️Ózbekstan Respublikası Prezidentiniń 2024-jıl 22-noyabrdegi “Bilimlendiriw tarawında jeke sektor úlesin asırıw boyınsha qosımsha is-ilajlar haqqında”ǵı PQ–403-sanlı qararında isbilermenlik subektleri ushın jaratılǵan imkaniyatlar haqqında;
➡️sonday-aq, mámleketlik emes bilimlendiriw mákemelerinde tárbiyalanıwshı hám tárbiyashı, oqıwshı hám pedagoglar haqqındaǵı maǵlıwmatlardı Ózbekstan Respublikası Mektepke shekemgi hám mektep bilimlendiriw ministrliginiń arnawlı platformasına kiritiw boyınsha túsindiriw jumısları alıp barıldı.
✅ Májilis sońında kórilgen máseleler boyınsha tiyisli qararlar qabıl etildi hám isleniwi kerek bolǵan wazıypalar belgilenip alındı.
