Usı jıldıń 24-iyun kúni Ózbekstan Qızıl yarım ay jámiyeti tárepinen, Ózbekstan Respublikası Ministrler Kabinetiniń 2023-jıl 29-apreldegi 171-sanlı qararınıń 38-bap 207-bántine tiykarlanıp, Ózbekstan Qızıl yarım ay jámiyetiniń otryadları hám basqa da kewilliler bólimlerin shólkemlestiriw hám oqıtıw maqsetinde, Ózbekstan Qızıl yarım ay jámiyeti ayrıqsha jaǵdaylarda háreketleniwshi volontyorları qatnasıwında “Jas qutqarıwshı” jarısı ótkerildi.
🗣 Ózbekstan Qızıl yarım ay jámiyeti tárepinen ámelge asırılǵan joybar baǵdarlamasına kirgizilgen jas volontyorlardıń “Jas qutqarıwshı” toparları qatnasıwında ótkeriletuǵın bul jarısta Qaraqalpaqstan Respublikası, 12 wálayat hám Tashkent qalası “Jas qutqarıwshı” toparları qatnastı.
⁉️ Jarıs shártleri boyınsha:
– “Jaslar iskerligi hám volontyorlıqtı rawajlandırıw” joybarında baǵdarlamaǵa rejelestirilgen “Jas qutqarıwshılar” toparları;
– joybardıń maqset hám wazıypaların túsindiriw;
– xalıqtıń barlıq qatlamların jer silkiniwler aqıbetinde júzege kelgen ayrıqsha jaǵdaylarda (tábiyiy hám texnogen túrdegi) háreketleniwge tayarlaw sistemasınıń nátiyjeliligin arttırıw;
– xalıqtı birinshi járdem kórsetiw boyınsha kónlikpelerin arttırıw.
‼️ Jarıs juwmaǵı boyınsha 11-komanda arasınan:
1-orındı Ózbekstan Qızıl yarım ay jámiyeti Qaraqalpaqstan Respublikası shólkemi atınan barǵan jas volontyorlar Nókis qalası 31-ulıwma orta bilim beriw mektebiniń “Jayhun” komandası jeńip aldı;
2-orındı Ózbekstan Qızıl yarım ay jámiyeti Ferǵana wálayatı jas volontyorlar “Qalxan” komandası jeńip aldı;
3-orındı Ózbekstan Qızıl yarım ay jámiyeti Nawayı wálayatı jas volontyorlar “Imkon” komandası jeńip aldı.
🗣 Jarıstıń tiykarǵı maqseti, jaslardı fizikalıq jaqtan kúshli, ruwxıy salamat, kúshli erk-ıqrar hám mártlik ruwxında tárbiyalaw, sonday-aq, olardıń sanasında ayrıqsha jaǵdaylarda durıs háreket etiwge baylanıslı túsinik, bilim hám kónlikpelerdi qáliplestiriw, ayrıqsha jaǵdaylar júz bergende insanlardı qutqarıw boyınsha mektep oqıwshılarınıń ámeliy kónlikpelerin qáliplestiriw bolıp tabıladı.
