Qaraqalpaqstan Respublikası prokurorınıń aǵa járdemshisi B.Agitaev, Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı K.Ismailovlardıń basshılıǵında hám rayon-qalalıq mektepke shekemgi hám mektep bilimlendiriwi bólimleriniń baslıǵı, bas qánigeleriniń qatnasıwında usı jıldıń 8 ayında jas óspirimler arasında jınayatshılıq hám huqıqbuzarlıqlardıń aldın alıw boyınsha sın kóz-qarastan jıynalıs bolıp ótti.

Májiliste, usı jıldıń 8 ayında jas óspirimler arasında islengen jınayatlar hám huqıqbuzarlıqlar, óz janına qastıyanlıq etiw, bilimlendiriw tarawında jas óspirimlerdiń tárbiyasında jol qoyılıp atırǵan qáte-kemshilikler sın kózqarastan dodalandı.

Sonday-aq, rayon-qalalıq mektepke shekemgi hám mektep bilimlendiriw bólimi baslıqlarınıń pikirleri tıńlanıp, jas óspirimlerdiń tárbiyasına ayrıqsha itibar qaratıw boyınsha ámelge asırılıwı zárúr bolǵan jumıslar boyınsha tapsırmalar berildi.