Social tarmaqlar arqalı Beruniy rayonı muǵallimleriniń birinshi yarım (avans) is haqıları keshiktirlip atırǵanı haqqında post tarqaldı.

Tarqalǵan post boyınsha Qaraqalpaqstan Respublikası Mektepke shekemgi hám mektep bilimlendiriw ministrligi tárepinen úyreniw jumısları alıp barıldı.
Úyreniw dawamında Beruniy rayonı Mektepke shekemgi hám mektep bilimlendiriwi bólimi janındaǵı ulıwma orta bilim beriw mektepleri xızmetkerleriniń 2025-jıl sentyabr ayınıń birinshi yarımı (avans) miynet haqısına ajıratılǵan smeta qarjıları jetispewshiligi sebepli 2025-jıl 18-sentyabr kúni joqarı byudjetten qosımsha qarjı ajıratılıp usı kúni, yaǵnıy 2025-jıl 18-sentyabr kúni ulıwma bilim beriw mektepleri xızmetkerlerine tolıq tólep berilgenligin málim etemiz.