Búgingi kúnde zamanagóy qatnasıqlar tiykarında jas áwladtıń sanasın rawajlandırıw, olardı intellektuallıq jaqtan jetik, Watanǵa sadıq, milliy qádiriyat hám tariyxımızǵa húrmet ruwxında tárbiyalaw – bilimlendiriw sistemasınıń tiykarǵı baǵdarlarınan biri bolıp esaplanadı.

Nókis qalası “Balalar keleshegi”, “Moya solnishko” Ámiwdárya rayonı “Xusniya kids”, Tórtkúl rayonı “Asaloy-Sevinchay” mámleketlik-jeke sherikshlik tiykarında mektepke shekemgi bilimlendiriw shólkemleri tárepinen balalar ushın qızıqlı hám ruwxıy-aǵartıwshılıq áhmiyetke iye ilajlar ótkerilmekte.

“Keleshek saatı” sabaqları tiykarında tárbiyashılar tárepinen balalar menen dógerek sáwbetleri, interaktiv shınıǵıwlar hám bilimdi keńeytiwshi oyınlar shólkemlestirildi. Onda kishkeneler Watan, mehir, tábiyat, ata-ana hám doslıq sıyaqlı muqaddes qádiriyatlar haqqında óz pikir-usınısların bildirdi.