Búgin Nókis qalası 48-sanlı mektepke shekemgi bilimlendiriw shólkeminde Qaraqalpaqstan Respublikası mámleketlik mektepke shekemgi bilimlendiriw shólkemlerinde “Turan kishkentayları” balalar teatr jámáátleri, “Ekologiyalıq múyeshler” hám “Ekologiyalıq soqpaqlar”dı shólkemlestiriw boyınsha Respublikalıq kólemdegi seminar shólkemlestirildi.
Seminarǵa ministrliktiń juwaplı xızmetkeri hám barlıq mektepke shekemgi bilimlendiriw shólkemleriniń metodistleri qatnastı.
Ilaj dawamında barlıq qala hám rayonlarda birewden “Turan kishkentayları” teatr jámáátleri shólkemlestirilgeni atap ótilip, qábiletli balalardı tartqan halda teatrlardıń sanın kóbeytiw zárúrligi atap ótildi. Sonday-aq, teatr jámáátlerin úskenelewde qol miynetinen paydalanıp ertek qaharmanların jaratıw jolları kórsetip ótildi.
Seminarda jáne Ózbekstan Respublikası Mektepke shekemgi hám mektep bilimlendiriw ministriniń:
2025-jıl 29-sentyabrdegi 364-sanlı buyrıǵı – “Mektepke shekemgi bilimlendiriw shólkemlerinde “Ekologiyalıq múyeshler” hám “Ekologiyalıq soqpaqlar”dı shólkemlestiriw haqqında”ǵı mazmunı boyınsha túsinikler berildi.
Oǵan bola, topar xanalarında tárbiyalanıwshılar dóretiwshiligi tiykarında jaratılǵan shıǵarmalar orın alǵan “Ekologiyalıq múyeshler,” shólkem aymaǵında bolsa Qızıl kitapqa kirgizilgen ósimlikler hám haywanlar haqqında dáslepki bilimlerdi beriwge xızmet etetuǵın “Ekologiyalıq soqpaqlar”dı shólkemlestiriw áhmiyetli ekenligi ayrıqsha atap ótildi.
